Thawtanni May
30 2016
Tv. Thangkholun hi Kotla Mubarakpur ah
a umna mun Tv Ginminlal inn apat in, ihiat taksal gual un tarik 7/5/16 jingkal
dak 10 lak vel ah chim kisa in ala pawt dawk a, dumzial haw chaw kawm ah ala
pawt ahi. Zia ala pawt daw nung ahin CCTV footage ah a kimu gual in, a tunna
inn mai ahile thumvei ahung kivel a, adak vel vel ah, ahinla a inn kha hia
chian theilo in ala um ahi. Chawmkhat zaw achun a umna te Tv Ginminlal leh Tv.
Tongminthang hin, statement ala piak gual un ala hawl vel vel ua, ahinla
muzo talo in in sung in ala lut kit tau ahi.zia zaw achun Tv. Thangkholun in
agen gual in, a vak velvel ah, lamlian lam in asuak dawk a, bus stand vel
po in ala giak sek ahi. Ziana ahin kol te haw'n anek a dawn ding an, aktui
tivel ala piasek ua, ahinla zia pat chun kaal khat zaw vel in bus stand dang
khat in ala kichawn kit ahi. Zia bus stand nina apat hin ni bangjat hem jaw
nung in lam lian khat ala zui zel ah Tuqlakabad lam ah Tuqlakabad Fort khel ah
Lohari Basti kiti mun khat, Badarpur (Delhi-Haryana border kiang) phakma
deu in mi khat, Hari Lal kiti hin amu, ziapa hin hepi tak in a inn in ala
puilut ahi. Hari Lal inn hi slum lak ahia, ama hin ala kisil sak a, an ala piazel
a, avan ding puanak, tawka, kengtaw haw ala pia, nasem(ni khawtha) natiang in
ala pui ahi. Ahinla zan leh a inn kiang ua, bus stand in agiak sak zel sek ahi.
Thilmak chu ahi le, zia ala mudawk pa hi Christian ahia, slum area ahin
Christian hunkhawp takle aum uh ahi. Amau in hile biak inn kiang cha ahi.
Tichun ahung kipatna akan uh ahileh Manipur te kahi ala tisek ah ahinla a tun
nate chun Manipur chule ala
hiapuau.
Tu zingkal (29/5/16) Pathianni ahi tawh kitawn in, a pastor pakhat pau Ps. Solomon kiti in athu chu ahun hia, ama ngei in ala kimu pi a, zia phat achun Manipur ah Churachandpur te ahi ahun hiat phat achun, zia pastor pa hile tu naicha akhan mission trip in C.C.pur hung kha ahi ziak in, inlam ah ami hiat Pi Rev. Kim Singson a phone ah ahil ahi. Rev. Kim Singson in Ps. Seiboi ahil a, ama chun Pu Jamkhogin (Thangkholunpa) ahil a, zia phat achun Delhi lam aten athu chu kahun hiatau ahi. Ka hiat hiat un, zingkal dak 10 in Pu Kh. Ginlalchung, Chairman, VWA(D), Tv. Lianzalal, Ex. President, ZDB, KSO, Kuki Welfare te toh ka kikhawt dawk ngal uh ahi. Amun katun phat ua, a slum biak inn ua chu kikhopna ala pan chet ua, biak inn sung achun kala ngak ui. Chawmkhat zaw achun ama hi ahun puilut ua, ka identify ngal ui. Zia zaw achun a pastor teu(pani) leh Bishop(pa pakhat) te chun ei tho ua, a kikhop nau chu atawp tiang in kahun uap uh ahi. Kikhop na in, Pu Kh. Ginlalchung in kochuam mipite kiang in kipak thu agen ahi. Tv. Timothy, President, KSO inle a mandan chanchin chawkim deu in agen a, kikhop pel in an neding in eitho ua, ahinla kinaw tak ziak in kahung kile kit ua, Pu Janglet Chongthu (f/o Timothy Chongthu) te inlam in kapui tau. Zia chun ama statement ka ngai thau a, Tv. Ginminlal (atun napa) te inn neipa CCTV hard disk, zani masa ah kava lak ah video haw chu taw ka entuak ua, KSO president pa khut in kahung taisan phawt tau, aziak chu keu ZDB Executive Committee te tawh Zillai FC organising committee te meeting, Pu Kh. Ginlalchung te in ah dak 4:30 ah kanei ziak un. Ahinla KSO prez pa leh Kotla Police Station ah a Investigating Officer pa tawh kala kihia tua zing ui. Tuhin, Medico Legal Case report ading ah zingleh examination nei ah a case file ding ti'n thulukna ka bawl tau ahi.
Nu leh pa leh, Zillaite, Delhi aleh mun chuam chuam ah umte'n amang pa, a inkuan leh meu ahawl lai te zosia ading ah pauchap na'n leila delzui zing ua, lei kanthak piak zing ua, la gawm ngai nateu ziak in ZDB sik in kipak thu kahun gen ahi. VWA leh KSO techung inle a tawmngai nau leh a kipiak zaw nateu ziak in kipak thu kagen sawn kit ahi. Chule mun chuam chuam apat pan lak thei dan dan ah eilak pi te chung inle kipak thu kahun ui.
Zillai damsawt hen!
Tu zingkal (29/5/16) Pathianni ahi tawh kitawn in, a pastor pakhat pau Ps. Solomon kiti in athu chu ahun hia, ama ngei in ala kimu pi a, zia phat achun Manipur ah Churachandpur te ahi ahun hiat phat achun, zia pastor pa hile tu naicha akhan mission trip in C.C.pur hung kha ahi ziak in, inlam ah ami hiat Pi Rev. Kim Singson a phone ah ahil ahi. Rev. Kim Singson in Ps. Seiboi ahil a, ama chun Pu Jamkhogin (Thangkholunpa) ahil a, zia phat achun Delhi lam aten athu chu kahun hiatau ahi. Ka hiat hiat un, zingkal dak 10 in Pu Kh. Ginlalchung, Chairman, VWA(D), Tv. Lianzalal, Ex. President, ZDB, KSO, Kuki Welfare te toh ka kikhawt dawk ngal uh ahi. Amun katun phat ua, a slum biak inn ua chu kikhopna ala pan chet ua, biak inn sung achun kala ngak ui. Chawmkhat zaw achun ama hi ahun puilut ua, ka identify ngal ui. Zia zaw achun a pastor teu(pani) leh Bishop(pa pakhat) te chun ei tho ua, a kikhop nau chu atawp tiang in kahun uap uh ahi. Kikhop na in, Pu Kh. Ginlalchung in kochuam mipite kiang in kipak thu agen ahi. Tv. Timothy, President, KSO inle a mandan chanchin chawkim deu in agen a, kikhop pel in an neding in eitho ua, ahinla kinaw tak ziak in kahung kile kit ua, Pu Janglet Chongthu (f/o Timothy Chongthu) te inlam in kapui tau. Zia chun ama statement ka ngai thau a, Tv. Ginminlal (atun napa) te inn neipa CCTV hard disk, zani masa ah kava lak ah video haw chu taw ka entuak ua, KSO president pa khut in kahung taisan phawt tau, aziak chu keu ZDB Executive Committee te tawh Zillai FC organising committee te meeting, Pu Kh. Ginlalchung te in ah dak 4:30 ah kanei ziak un. Ahinla KSO prez pa leh Kotla Police Station ah a Investigating Officer pa tawh kala kihia tua zing ui. Tuhin, Medico Legal Case report ading ah zingleh examination nei ah a case file ding ti'n thulukna ka bawl tau ahi.
Nu leh pa leh, Zillaite, Delhi aleh mun chuam chuam ah umte'n amang pa, a inkuan leh meu ahawl lai te zosia ading ah pauchap na'n leila delzui zing ua, lei kanthak piak zing ua, la gawm ngai nateu ziak in ZDB sik in kipak thu kahun gen ahi. VWA leh KSO techung inle a tawmngai nau leh a kipiak zaw nateu ziak in kipak thu kagen sawn kit ahi. Chule mun chuam chuam apat pan lak thei dan dan ah eilak pi te chung inle kipak thu kahun ui.
Zillai damsawt hen!
----------------------------------------
Courtesy:
ZAHAWNGGROUP
----------------------------------------
⚫ Khochungte Awgin
⚫ Khochungte Awgin
No comments:
Post a Comment