KA PICTURE OF THE DAY: CCpur khopi sung, sign board le tun in um, I hindan uh taklatna ahi diam?

PC: PhualvaTimes

Tulai eimite hindan taklatna ahi em? eng tatna ahi em het hilou ahia, tigual sign board kitun hi mu ahi tin PhualvaTimes​ thusuak achun aki taklang hi.

Khoitak mun ahi em? chun bang etsakna ahi em? vang kigen khalo, ...  

KA 24x7 Online Portal News

HET ah Vat lo: Tulai Khangthak te adin et tawn tak khat.....

PC: Vaiphei Global Network

PC: Vaiphei Global Network

Tungvom (vahai buan) a ki siam a hi, ukhrul lam a pat hung ki pan. Tulai khangthak te a diak a internet vai a pat thil tampi et dawk ah ei lam a khutthiam te mangcha product hoi tak tak siam daw thei a hi. Sum leh pai bep hilou in min hoi tak leh law ding a hi.

 

Input: Vaiphei Global Network

TAHCHAPA KHAT IN BRAVERY MEDAL ANA KISANTA

PC: KukiTimes (Social Media)

Telangana: Kuki Chapa NSG sepai galhang lah a Mr.Lalboi Khongsai in Bravery Award for National Security Force (Black Cat Commondo) tia jong kihe Delhi apat 🏅 Medal hung chu tuni chun NSG Battalion Secunderabad, Telangana mun a ana kisan tan ahi. Hetthei khat chu hitobang award hi koipou in amohmulou ahin, atohphat seh hilouva sepoy khat hina a loupi tah kipa thilpeh khat a jong seithei ahi.

Pa.Lalboi Khongsai hi tutua NSG Commondo Battalion Secunderabad a Head Havildar a um ahi. Chapa 2 le chanu 1 aneijin Pathen in dam na apeh a ama le ainsung mite phatthei achan jing uva,mabanna jong naampi choisang khat ahunghi kit tei nadin taokop cheh ute.

PC: KukiTimes (Social Media)

Congratulations Pa.Lalboi Khongsai🙏🏻👍

 

Source: KukiTimes (Social Media)

NUCLEAR ATTACK AKON A KIVEN DIDAN

Leh hetding phabep.

By Gary Thangboi Haokip | TKWW

LEISET CHUNG A MIN AJA GAM HO CHU NUCLEAR WEAPON NEIHO AHIUVE.

USA,CHINA,RUSSIA,INDIA,GERMANY,ITALY,JAPAN,PAKISTAN ETC.
ho hi tutua leiset chung vaihom di aguh a kichu ho gam chu ahi,

Alangkhat a aki gichatuo cheh un ahi.

Hichi gamho nuclear warheads neiho hin nuclear manchah a iki dou ule ajoutum ium lou diu ahi ti akihet cheh uve.

Nuclear attack phat hi seithei lou ahi(as human minds are unstable)

NUCLEAR ATTACK AKON A KIVEN DIDAN;

Step 1. Cities thupi lah2 factories thupi lah2,chuleh govt head offices lahho target hiding ahi even if nuclear bombs are limited.Thule la aboile capital cities ho dalhah ding ahijeng e.

Step 2: Nuclear bomb hi atom bomb -hydrogen bomb -A hotoh burn speed/damage speed hi akibang thim soh kei uve ,960 km/hour a gang jou ahi ahin bomb jong size a let ls aneo in apoh ding ahi. Hijeh a chu radiation speed akon a ipi nabol man am anoi a step hi ven

Step 3: Nuclear bomb ahung naum na cities lah a ahun ki drop le ama sapen a leinoi a feet 6-7 beh agang thei pen a lut man ding guo in, nuclear bomb hi agin mei2 ahusan mei2 a jong Inn chim jeng ahi jeh in leinoi tilou upai aum poi.

Step 4: 50 miles ho vel akon a jong bomb ahung kon namu pan thei ahin van lam nga in meilhang kiheh ding hichi meilhang chu lum ding akhu chu gas phalou akoung toh kitho ji ahin mei bang lih tabang hiding ahi, km 3/5 ham a gamlha bep nahi le hinna chance vang nanei lhom e ahin natahsa chu 40% burn sang a lhonsah tei2 guo in leiset khotthuh gangchel in lang hin nakhot man lou jong le lheile bol dan namai tuol lang ngatsah in lang kom dam tong ham in lum jeng in,nachung nakom a plastics oils kiti ho toh kidal khin in. 

Step 5: Naum na more than 300 kms val ahi jong leh kiveng in nabil ngong den thei ahi nalai e.

Building dettah sung a najam lutthei e ahin windows kom a umdan ,neh le chah diet hoi deo kikui neng in tuitheng kikui neng in, first aids kit jong kikui neng in..

SETNA CHU PHATNA LETHUH'A KPI DISTRICT HI NAM ADIA "LHOKHON DET" A SEMDOH DI AKUL'E

Anun matna um achapa kilhadoh ngahdoh joutalou, Kangpokpi in district pilhing amujou kal ‘lhaset umpen thivui na’ kin nei, nupite kijotna um, matna um teni lhadoh’un tia kiloikhomna tampin ngehna nei’u

SETNA CHU PHATNA LETHUH'A KPI DISTRICT HI NAM ADIA "LHOKHON DET" A SEMDOH DI AKUL'E.

Written by Kaybie Chongloi

KANGPOKPI: Manipur’a Kukite touphana district holah’a nam khankho semna dinga lhokhon’a pangthei pen Kangpokpi District gamkol sunga umdia kilomlou tah, *Sum le paijeh’a mi kipuimang chondan/chena* hin asetna lam amanocheh cheh tolhonin tunin lhaset umtah thilsoh khatna, tehse kum 90 val khat le alha ngaitah achapa toh, tah mel’a kimukit taloudin khenna anasotan ahi.

T. Waichong kho chaga, Kangpokpi Ward No. 8 a pansa, Pi Veijakim Khongsai, kum 92, hi Lhatun nisim 14 chun tahsa dammo jeh’in alei hinkho anabeitan, hijeng jongle achapa banga anei achanu jipa Ml. Angam Leivon hung kilhadoh di ngah in tuni Lhatun nisim 15 nilhah lam chan chu ana ngah in, hinlah ngahdoh jou talouvin leiset a kimuto kit taloudin nilhah lam nidan 4 vel’in vuilem anahitai.

Ml. Angam Leivon hi Forest Department, Govt. of Manipur a Deputy Ranger a natoh nei ahin, Pi Veijakim Khongsai chanu toh kicheng ahi. Pi Veijakim Khongsai hin aloipa (Lhakehtasa) Pu. Thongngul Khongsai in matah’a achesa 1979 kum’a chapa neilouva ana dalhah nunga achanu jipa Ml. Angam Leivon hi chapa banga aneija, chule Ml. Angam Leivon in jong ngailutna bulhing set pum’a nu’a aneija a insung ana vetkol ahitai.

Melhetlou thalchoi ho hidia ginmo phabep in Lhatun nisim 13 jan’a chu Ml. Angam Leivon hi aumna Kangpokpi Ward No. 8 inmun’a kon Dangka Lakh 30 toh kikhut lhetdia ana puimangu ahin, ama kipuimang ni ajinga chu vangset nachung chon’a anu Pi Veijakim Khongsai hi ana mollem kit ahi.

Alangkhatna, jan hi (nisim 14) jan nidan 10:30 velchun Kangpokpi Ward No.2 a cheng Ml. Lalal Sitlhou jong melhetlou thalchoi ho mama hidia ginmo phabep in ana puimang kit un ahi.
Potnatna jal le, gamsung cham le lungmon sunoh’a pangjing hiche ‘sum toh lhehdinga mi kipuimang chondan' hi chim aumtan, lungmonga khosah theina aumtapoi tin nuten tunin Kpi DHQs mun'a kijotna ana neijun, hiche tobang chondan/chena hi koihile gamsunga aboltah lou diuvin nute hinan chate temna aneijun, chule tua puimanga umte ni hi apuimang hon mihem khankhoto najalla ahin lhadoh gel diuvin temna jong aneijun ahi.

Kangpokpi District hopsunga um jalhang kiloikhomna (CSO) ho le Hangmi Students’ Union honjong mopo khat hina jallin mi puimang hon akipuimang teni hi dam le bit na agangthei lam’a ahin lhadoh loi diuvin temna aneijun ahi.

Thalchoi cheh phumelmul’a koima aki kichato umlouna mun gamkol Kangpokpi District sunga hin, gam le nam dia khonunga thil suse thei ijat umhen lang, kon ipibol jongle koima ima seingam in akilha tapon, aseithei dingpen jalhang kiloikhomna ho jong thalchoi ho sot tolol danin imang bep tauvin, *"Hichu adihpoi, hitobang nabol’u hi thilpha ahipoi”* ti theiding inei tapouvin, ham ham’in *Nuten* avetjou lou behseh tengule ahung kipatjiu tilou eiphoh diu le eihil diu inei tapouvin ahi.

Hitia ichungthu’u seiding ho le, iboina uva manchah ding hon kichat thei anei uhi, akichat ho diuvin thanop nop um bangin kilang jongle aphohthei ahilthei neilou thalchoi chu *“Avangse le ahamse chungnung”* ihi loudiu ham.

Ml. Angam Leivon kipuimang na thilsoh hi inamsung uva kikhelna khat semdoh’a apankhah le vang, tutu dinmun’a ama le a insungmite chule japi din lhaset umpen hikha jongle, ihamphatnau lenpen hithei ahi.

Apuimang hohin Ml. Angam Leivon insunga hitobang thilsoh hi hung uminte tin anagel phahih nau vinte ajehchu thina kitihi itihphat’a koichunga achuhding ahe masa koima aumpoi. Amavang hiche tobang dinmun'a hi thalchoi lungpi kengjep, pilhingtah’a lunggel nei le saojep gah galmu phathei ingaichauve.

Mipha hihen lang, gunda hihen lang, aching hihen angol hijongle anatoh na khatna setna alhun’a, asetna chu setsah belouva, asetna laitah mangcha’a thilpha lenjo khat boldoh thei mi chun mihem lungnatna asang ajan adamsah theije tihi mipilhing jousen apom khat ahi.
Ahin hitobanga lunggel neija hangsantah’a boldoh mi alhomin, asuhset thil chu phatna lethuh louva akhohcheh jo’a suse be joh mi atamin, hiche hi nam natna lenpen khat ahina ban’a hitobang lungput chepi ding ahung tamcheh cheh khah le suhdam hoi hitalou ding nam natna ahung hikha ding hi tijat aum’e.

Tutu dinmun’a Ml. Angam Leivon le a insungmite khankho ding hi saotah seihih jongleu hen athu neokhat simdoh’a pilhing lungput nei taphot chun ichangeija lungjin khoisatna, puldou le lhasetna atodiu ham tihi alungmitna kilang jengthei ahi.

Hijehchun, Ml. Angam Leivon puimang hon atup le adoi’u lolhing louva ahin lhadoh diu hi losamna lenchungnung le neona noinungpen in gelkha jongleu, koiman atahsan loupettah a dam le bitna mihem ngailutna khankho’a ahin lhadoh ule sum le pai athum’u chu losam jongleh, vannoijin alolhin nau lenpen thusim’a mangta loudia aseiding ahi.

Chutile, Ml. Angam Leivon le a insungmite natna, gimna, hesohna jouse jong hi lhep thu thu’a, lou le ai choh’a damsah ngai talouva acham’a silhah’a paimang banga damjeng ding, setna chu phatnan aleding ahi.

Chutima chun, Ml. Lalal Sitlhou puimang honjong hin boltaleu ana jouse damin tin, lungmong mo jouse lungmong intin, akap jouse nuijintin, set mitna mujousen phatnan lethuh tauvinte.

Thalchoija nam natong, ka nam sepoy ho, sei le im vang kibang ahitai. I-gamsungu hi sum le pai chule kai don nan alodim tan, koima akidodoh thei aumtapoi. Lungmonga khosathei jong aumtapon, eiho le eiho kivaihomna noija jatdang namdang khut noija hing danin ikilang tauve.

Tehse upan chate hil’in nahil thei tapouvin, nungah gollhang khangthah hon loi le gol bangin ngamsung tah’in ana kivoppi ngam tapouvin, nunao chapang hon ka nam sepoy tin lungmonpi thei talouvin na kichajo tauvin, tonlaija gal thusim cinema a kive, thalchoija uniform kivon’a agam le anam’a dinga natonga um, khosung gamsung alut ule chapang kaplai thip’a, abang kichatjeh’a kapchat, abang anun asimlih, tiho khangtoh ikilou tauve.

Genthei hahsat laija, gam le go huhna’a thingnoi ho natoh phatna jouse hi tun koima kamchenga konin apotdoh jou behseh tapoi, thangtom pi joh louva ajeh hi kholdoh ngaijo ahi. Hiche phatlaija chun thingnoi ana umhih leuveng itiuva tua hi inop ipeh’a iumdiu ham?
Mundang gamdang kahop joupon, hopjong hopda ingting, ajehchu Kangpokpi District mi kahijeh in, Kangpokpi District sunga umcheng hon, i-district u hi nam’a dia amanlutdan kiseipeh tolouvin jong ihisoh keijun, akhantouna ding lamjoh’a hi thingnoi ho *"Contribution"* lentah aumin, akim’a kon hilouvin abul (grass root level) akon napat lou’u akul lhehtai.

Tu dinmun’a nangho beija machalna umtheilou ahitai, ajehchu, japi thuneina hi inachop khup uva nangho thaneina a kal ina se ngal’u ahitan, “Keiho letna kal kisep” tia japi thaneina ijanei gellou lungput hi, nabon chau akitipon, hitobang lungput neihon nahin pailhah uva, Kangpokpi District hi lungmon umpen le nam lhokhon detpen'a apan nathei teidia ima jouse abul akon nahin semtoh diu akul mong mongtai.

Source: Kanggui Post