TUNI LHAGAO ANPHAA
(Thursday,
02/06/2016)
Theiphung chu akiphu tengle apet pet in
aga jeng poi. Hijongle vanna kon a gotui le nisa ho amu a kon a energy achan a
jal in ahung khanglen jin chutengle ahung ga doh jin ahi.
Hitobang chun
lhagao a hinna nei (Mipengthah) khat jong chu alhagao hinkho hung pilhing deu
deu intin chule Lhagao a hung gadoh teiji ahi.
Solchah Paul in Galatia houbung mite henga chun Lhagao ga
10 ahil in ahi. Hiche ho chu-
1. Ngailut - Christa ngailutna salvah ding
2. Kipa - Tonsot thina a kon a huhdoh hina jeh a halna nei
ding
3. Cham - Christa toh ikicham chu mijouse anga photchet
ding
4. Lungmon - Asunga Pakai Lhagao chen jeh a lungmon ding
5. Thohhat - Christa dia hing ihitah jeh a hahsatna jouse
thohhat ding
6. Mihepi - Pakai mihepina ichan banga mijouse hepi suoh
kei ding
7. Phat - Aphatah Lhagao toh hingkhom ihijeh a phat jing
ding
8. Tahsan umtah - Mi tahsan theimi hi ding
9. Lungneng - Pakai lungde hat vanga hinna chang ihijeh a
lungneng put ngai
10. Kitim them - Eima dinga hing ihi tah lou jeh a chu
imajouse a kitim them ngai ahi.
TILKHOUNA:
# Ahile nangle kei Lhagao a hing (Mipengthah sa) ihile
idinmun chu itobang hinam?
# Lhagao a gadoh ihi hinam? Ole tahsa lam ngaichat joh a
gadoh jing ihi nahlai ham?
# Ole theiphung gatheilou banga chu nangle keijong khangtou
theilou/ gadoh theilou lhagao hinkho inei khah ham?
# Ijemtia Lhagao a ga theilou ihi khah le kikhuol phat
angaije. Lhagao an neh le don lhahsam jeh ham? Ole lhagao gamsat jeh leh tolgot
jeh ham?
# Pakai Jesu Christan keija naum uva ahile haga a nagadoh
diu ahi ati- John 15:1-8.
# Theiphung / muchi chu itu teng aga ding ikinep banga chu
eiho jong Lhagao a igadoh diu chu Pakai deisah ahi.
Phattheina jouse hungkon dohna Van le Lei Pathen in Christa a ium jinguva haga a igadoh jing theina diuvin ibon chauvin athahbeh in phatthei eibuoh suoh kei kit tauhen.
------------------------------
✍PK Gogou Kipgen
📲☎
: 8124503398
------------------------------
© Khochungte Awgin
No comments:
Post a Comment