TUNI LHAGAO ANPHAA
(Monday,
30/05/2016)
John 3:16
"Ajeh chu
Pathen in hibanga vannoi angailut behseh jeh chun Achapa changkhat chu apetai.
Koi hile ama tahsan chan chun mangthah louva tonsot hinkemlou anei ahitai"
(Self translation)
Pathen mingailutna hi mihem kam a sei a seichim hilou, chule lekha a ijat akijih ah vangin Pathen mingailutna akhonna geijin koiman ajihdoh/aseidoh jou naipoi.
Hichelai Bible chang a hin Pakai Jesun Nicodemus henga chun Pathen mingailutna chomkim tah in ahilchen in ahi. Hichu themkhat gahveu hite.
# Pathen mingailutna chu 'Unconditional' ahi. Itobanga chonse hiu hitin phamo lheh jong leu hen ngailutna sangpen eichan nalai uve.
# Pathen mingailutna hi akhon kheh ahitai. Panpi ngaicha a ium laijuva Achapa tah eiho huhhing dia hiche leiset a hi ahin sol ahi.
# Pathen mingailutna hin ahuoplen e. Mipha jong mise jong ibon chauvin eingailu soh kei uve.
# Pathen mingailutna hi Free ahin Free Will a kisan ding ahi. Ahin mihem a dinga amanlut dan chu hitobang ngailutna mundang a kon a mujou hoi ahipoi.
# Pathen mingailutna hi tonsot a ding ahina chungchon a Kemtheilou Hinna ahikit nalaije.
TILKHOUNA:
$ Pakai Jesu chun 'Keiman nangho kangailut bang hin nangho jong khat le khat kingailu to cheh un' tin aseijuite atilkhou in ahi.
$ Mi khat chu aphat man le aset man a ngailut ding ahipoi; Pathen melpu mihem ahijeh a mijouse ngailut ding ahi. Ajeh chu Pathen in eiho jong ihinau velouva eingailut u ahi.
$ Panpi ngaicha a ium lai uva Pakaijin manbeija angailutna eichan u ahijeh chun, nangin jong hichu nainheng nakom chungah tohdoh (practical) in vetsah in.
$ Akem theilou Tonsot Hinna nei nahitah le chomkah a thithei tahsa ngaichat ho them bangin kimansah loiji hih in.
$ Nachan dia lomlou Pakai ngailutna chang nahi jeh chun nangin jong hichu najo chan in thase lou ib pan lajingin, hi a chun Van a kipan nachan ding ahi.
Pathen in ama ingailut nau photchetna eihon jong mitmu a mite henga iphondoh jing theina diuvin ibon chauvin phatthei eibuoh tauhen.
Kakipah E!
------------------------------
✍PK Gogou Kipgen
📲☎: 8124503398
------------------------------
No comments:
Post a Comment