Shillong, 17 August 2016:
A Som
nga le nga channa (55th) KSO Shillong Freshers Social Function chu
lolhing tah in 13th August 2016 nichun Convocation Hall, NEHU Campus
Shillong ah ana kimangtai. Meritorious Award mu PhD thum jaona in 64
alhing in chuleh freshers Shillong a lekhasim dinga hung a anikho a
introduce hung kibol simlai 70 vel ahi.
Chief Guest ding Nu L
Sweety Changsan, IAS, Commissioner and Secretary to the Government of
Assam, Home and Political Department chu Assam gamsung thu le laa
khohset jeh in hungthei hihjong leh KSO Shillong angailut na thuthot KSO
Shillong President Thanggoulen Kipgen in anasim doh in ahi. Nu LS
Changsan hi Kuki chate numei holah a direct a IAS hinjih doh amabou ahi
nalai jin ahi.
Guest of Honour Pu Prof. T.T. Haokip, President, Kuki Research Forum (KuRF) chuleh tutu a Professor, Department of Political Science, NEHU in khangthah ho themjil na lamma bolding leh panlah dingdan asei in, tukhanga khangthah te Facebook in nasa tah a akaiset naho jong anasei in ahi. 1983 kum in Shillong ah lekha simdin a hung in, tunichan in Shillong ah aum jing nalai jin, Shillong aum kal kum 33 ahitai. Amahi Thadou -Kuki pao thoho lah a dinga Professor masapen ahi.
Chuleh Functional President Pu T. Lhungdim, DGM, Reserve Bank of India
chuleh tu le tu a Chairman, Kuki Worship Service Shillong injong ama
hinkho akonna hahsat naleh genthei na ato ho akon in simlai ho ana
tilkhou in, genthei hahsa tah a konna hichen gei officer ahung geihi
tukhanga khangthah ho alungneo lou nadiu leh gunchu tah a panlah ding
dan anasei in ahi.
Ng. Hoineng Touthang in ahung kikhom mipi ho
zaila ngeitah in ana vailhun in.. ama lasah minthang pen NANG NAUM NA
NOM leh adang dang ngeitah in ana oilha in ahi. Nu Nenem Haokip 1990s
khanglaija Radio leh Doordarshan a nem heova AW KA LONLHI ana oilhah
jing chu hiche nikho hin mipi ho angah ama tah in ana oilha in nupi upa
lung tamtah ana sulung hel in ahi. Chuleh Gollhang melhoi tah Steven
Emmthang Haokip injong GENTHEI KAHI JENG VANGIN ti laa ahinsah chun
khangthah nupi upa jouse ana chohlip lheh in, Nu Nenem toh Duet in Ncy
Doungel laa sem minthanh NACHUN HINDONG O NAJO HINDONG O ana jai khom
lhon in ahi.
Shillong sunga college ho - Shillong College, St.
Edmunds College, St. Anthonys College, KL Bajoria chuleh UCC Barapani ho
akon in jong item vetnom jatjat ana bol uvin, KSO cultural troupe in
SUHTAA LAAM in hoitah in analaam uvin ahi.
AHSIJOLNENG Annual Magazine jong Publication Department akon in hondoh na anaum in, Ni Jolneng hi 28th Channa ana hitai.
Shillong sunga Naga Students Union noija kikhai Student Union holeh Mizo Student Union, NEHU Student Union chuleh organisation dang dang tamtah ahung op uvin, KSO guwahati President Gl. Seiminlal Changsan leh incoming president Gl Apao injong ngailut na neitah in Guwahati akon in ahung lhaovin ahi. Manipur Nagaland chuleh Assam akon injong mi ijat hamkhat KSO Shillong Freshers Meet mangdin ahung uvin ahi.
Chuleh
Gibeon Media in phat kimanna sung video leh steel camera lhingset in
coverage anabol un, program lolhing sel in ana kichai tai. Ahung kikhom
mipi sangkhat val ahi e.
Copyrigth: KSO Shillong Branch.
