Champhai, May 18, 2016: Champhai District Vawkvulh Association (CDVA) hruaitute nimina Champhai Sub-Headquarters YMA pisaa ṭhukhawm chuan, Champhai leh a chhehvela vawk hri PRRS léng mek chungchangah Chief Minister hmuh a, Myanmar aṭanga vawk lak luh khuahkhirh tura ngen ni se, an ti. CDVA chuan, Chief Minister chu Myanmar
aṭanga vawk lo lutte India dan ding lai angin Mizoram sorkarin khuahkhirh tur te, NLUP-a vawk sem a nih leh dawn chuan Mizoram chhung ngeia thar chhuah sem tawh tur te, Vety doctor an sawn chhuah hmun ruak hnawhkhat tur te, laboratory changtlung tak Champhaiah a rang thei ang berin dah turte leh, PRRS vanga vawk thi neitute'n zangnadawmna an dawn theih nan sorkar laipuia thlen sak turtea ngen an rel a ni.
Meeting-ah hian vawk suat chungchang pawh an rél a, association hrang hrangah awareness campaign neih phawt a, chumi hnuah ngaihtuah ṭhat leh atan an dah.
PRRS léng vang hian Champhai leh a chhehvel khuaah hriat theih chinah vawk thi zat chu nimin thi 36 nen, 2609 a ni.
~Vanglaini
No comments:
Post a Comment