NITENG HATNA

12 MAY 2016

TOUPA JESU TOH KISAI A KHA' NASEP

(MAtthai 3:13-4:3)

Jesun Baptisna atan khit in, tui a kipan hongpot pah a; huan a tung ah van a hong kihong a, Pathian kha siangthou Vakhu banga a tung a tuang in a mu hi (t16).

Toupa Jesu mihing a hongpianna leh hiai leitung a a nasepna toh kisai in, khasiangthou tuh a pang pipen ahi, chih theih in aom hi. Mari nau paisaktu khasiangthou ahi a, gamdai a taina leh huai a kipan a kiknawnna toh kisai leh; tuni a i laisiangthou sim in agen bang a Baptisna tanna leh khem a omna khong ah leng akipei pipen khasiangthou ahi. Huaiziakin khasiangthou tuh Toupa' hinkhua leh ei, a nungzuite adia poimohpen ahi, chih muhtheih in a om hi.

Toupa Jesu adia hichikhop a apoimoh leh ei a nungzui, hatlou leh panpih ngai gigete a din, a poimoh zaw diak lai ding chih phawk in, khasiangthou a lungkham lou a, ei a thanuamtak a asep theihna dingin a thu mang in, amah i zui tinten ding uh ahi.