Tue, May 17, 2016:
TUNI LHAGAO ANPHAA
(Tuesday, 17/5/2016)
-----------------------------
Psalm 139:1
"O Pakai! Nangin neikhol chil suohkei jin, neihesoh tai"
☆ Hiche lacheng hi Leng David in ahinkhuo phat chesa ho a ama experience na a kon a ajih ahin, Pathen in mihemte hi ichan a ahetchil suohkei ham ti chu chomkim tah in lachengin ahilchenin ahi.
1. Pakaijin ijakai ahesoh keije. Nangma le nangma sangin Pakaijin na ijakai, nachondan, nakhandan, abonin ahechil soh keije - Ps. 139:1-6.
2. Ama munjouse a um ahin, Ama a konin nangle kei ikisel mangthei poi. Hijeh a chu eihetchil suohkei u ahi - Ps. 139:7-12.
3. Mihemte hi Ama semsa ngen ihi jeh uvin, e imakim jouseu aman ahesoh keije - Ps. 139:13-16.
☆ Ijakai hesoh Pakai Pathen, munjouse a um, thiljouse sempa ijakai bolthei Pathen chun David hinkho aning akah, ajonpet, aphat pet, asetpet, abonin ahesoh keije.
☆ Midangin hehih jongle, nangle keijong Pakaijin- idin, itou, imut, ijon, iset, iphat, mitoh ikinah, mithil aguh/lepthol a ilah pet abonin ahesoh keijin ahi.
☆ Vetsahnan- David jong chun Bethseba chu aguh a mi hetlou pet a ajonpi ahin, hinlah Pakaijin japi hetdia aphondoh peh thou thou ahi.
TILKHOUNA:
"Pakaijin muntin hi Amit tenin aven, thilse le thilpha kibolho jouse amelchih jinge" - Prov. 15:3.
"Ijeh inem itile, mitin Christa Thutanna anga ikilah suohkei diu; mijousen tahsa aachonchan dungjui a thilpha ahim, ahiloule thilse ahim akisan cheh ding ahi" - 2 Cor. 5:10.
Tunin koiman amupoi/ahepoi tia ibol jouseu apha/ase abon a nikhat teng Pakai anga mi asang aja ma anga idin uva iphondoh thou thou diu ahi. Chule gotna jong ichan kit nahlai diu ahi. Hichu najachatpi a nagichat pi dinga ahile thilse bol dalhan lang thilpha bol in. Àjeh chu Pakaijin eihechil suohkei uve.
Asim jouse Pakaijin thilse a kon'a ikiheimang uva thilphalam jeng a ikihei theina diuvin, phatthei eibuoh suohkei tauhen.
Kaki pah e!
📝PK Gogou Kipgen
Whatsapp: 8124503398
📩: gogoukipgen@ymail.com
No comments:
Post a Comment