CBSE 10th exam result 2016 suakta: 96.21 per cent ah zillai te pass, Numei te’n top hina lakit zel

New Delhi: CBSE class 10 exam na ahin zillai candiate 14,91,293 in class 10 exam nadin aki register ua, Ningkum 2015 tawh te in tukum hi 8.5 % zillai ki register chu tamzaw ahi.

Pass percentage chu 96.21 per cent ahia, hinlah ningkum sangah tawmzaw, ningkumg ah pass percentage chu 97.32 ahi.

Thiruvananthapuram khopi Kerala state capital in pass percentage sangpen 99.87 chu aban ah Chennai region pass percentage 99.69 hi.

Numei te’n mark scored hi 96.36 per cent chun posal lam hin 96.11 per cent ahi.
Zillai 1,68,541 lak ahin full CGPA hi 10 points, zia lak ahin posal zillai 85,316 chun numei lam hi 83,225 ahi.
Zillai ki register mawng2 hi 14,91,293 ahia, 8.5 per cent candidate sang zaw ningkum sang in.

Category dungzui in Central Government nuai ah Jawahar Navodyaya Vidyalayas in pass percentage chu 98.87 %  aban ah Kendriya Vidyalayas in 98.85 % ahi.

Independent skul in pass percentage 97.72 hinlah government skul zillai pass percentage chu 86.61 muzo dan ahiu.

CBSE class 10 exam result hi tuni dak  12.50pm vel in asuak tai ti’n ANI thusuak chun agen hi.

Result bang check di dan:
Nuai a sim zillai exam te’n CBSE X exam nau result chu zai cha check thei ahi. Official Board Results 2016 chu anuai kipe website link ah et thei ahi. Link websites: www.cbse.nic.in, www.cbseresults.nic.in and www.results.Nic.In
Nang bang la bawl ngai?

Candidiate te’n result la mu nuam ua ahi chun website ah anuai gual hin zuileu chun
- Official website achun lut in
- Link chu clik in, 'CBSE Class 10 2016'
- La roll number sun in
Zia la submit zaw tak le result chu screen ah muthei hingal ahi. Adoi le print out kibawl thei ahi.

(With PTI inputs)
⚫ Khochungte Awgin

DISTRICT SPORTS ASSOCIATION SADAR HILL (DSA SH).

Jing nikho hi DSA SH President Election a vote lhah ni ana kitep ahin...ahin Pu Chongpu Kipgen MCS ama hi akitet pi umlou va President dinga Uncontest ahitah jeh in jing nikho 2pm teng DSA SH Office mun a aluipa to kikhut lheh na le athah a podi pa Pu Chongpu Kipgen in Na toh pat na anei ding ahitai.

Hijeh chun DSA SH noi a Affiliated Club ho akon vote lha dinga min hin pe jouse hiche President kikhut lheh na a hi ihung pan cheh diu va hetsah le tem ihiu ve.

Sd/
Info & Pub.
DSA SH (M)

⚫Khochungte Awgin

Caution Note to all concerns

Case dated 18/5/16

In the morning around 4-5am Ng xxxx left home to appear for some competitive exam accompanied by her two brothers was molested. When passing through the Baba Bakery(Munirka) 3-4 Naga boys who were drunk and standing on the road were blocking their passage. The victim's brother requested them to let them pass through but they paid no heed and this let to heated arguement among them, they assualted the victim's brother and the victim(girl) was also touched inappropriately during the mellee and she was pulled by the hair, seeing this many of our community members rushed to the incident and the assailant fled from the spot.An FiR was lodged the same day, court apperance was done yesterday. All the three accused are in Tihar jail and one absconding.

*The matter is subjudice, but issued in public interest as a Caution note to all concerns of our community*

Sd/-
Kuki Welfare Delhi

TUILANGKOL Buoina

Must read and help

Tuilangkol sung a hin KUKI kho 25 aum in hiche kho ho hi Naga ten kichep na in amang jing uvin.tu hin jng NSCN-IM hon Tuilangkol haosa ho Date : 02/06/2016 le Nungba. Rongdai a Meeting ding in lekha ahin pe kit taovin ahi.
Meeting a ahin kou u chu alang khat in aboipoi.hijong le Meeting a nahung phat leu Ration tax.Annual Tax Rs.200/house...Membership fee.Rs.2/head.
House tax Rs.40/house Nahung kipoh uva nahung diu ti a thupeh anei uva koi tobang akisei phat a hunglou aum le achung a Action kila ding ahi kiti hin mijouse lung atohkhah ding katahsan e.hijong le Haosa ho ache leu epi ti di.ache lou leu epi ti ding.. hetsa ahi.

NSCN ho hi epi hiuva House tax.Ration Tax.Member fee kipe jing a ama hon jng akilah jing u ham?

Tuilangkol Kuki chate ding a epi abolpeh uva Tax ngamtah a akilah ngam u ham?

Lamkai hon Tuilangkol boina hi boipi kham nasah lou ngap u ham?

Hitobang a Najat chan khom piu Kuki cha Tuilangkol a cheng ho hi Naga ten anop nop uva akichep nadiu va neipeh doh ngap u hitam?ahilou le Naga neihisah u ham?

Tuilangkol akhantou theilou na hi Political condition akicheh theilou jeh le naga te vaipoh na noi ahijeh ahipen e. Hiche hi lamkai hon suhchet thei hilou ham?ahilou le jamsan/dalhah doh o Naga te pehdoh ding joh etiu hitam?agam hi ngailut nale iitna eneilou u ham?

Tuilangkol hi Tamenglong District a kuki chate chen na JMT(jiri.Makho range.Tuilangkol) khat ahi in Kuki kho 25 aum in khantou na alhasam in lungmon na jong aumthei poi.

Hijeh chun lamkai hon hitobng boina ho le naga te a pat a simmo nale noise na ho hi suhchet thei hilou ham?ahilou le hitobng a hi kathoh thoh jng diu hitam?

Lungel theijousen lung egel uva hitobng boina ho hi esuhchet uva agamsung/alhangsung a lungmon nale khantouna aum thei nadinga pan elah phat u hitalou hm?hitobng a naga te khutnoi a um a akichep nao hijing diu hi egel thei u hinam?

Seikhel seival ngaidam

(SANGBOI DOUNGEL)
President 
KSO
Tuilangkol block
------------------------------------
⚫ Khochungte Awgin

"PAKAI CHENNA INTHE’NG”

TUNI LHAGAO ANPHAA

(Saturday, 28/05/2016)
------------------------------

Luke 19:45-46
“Chuin ama houin’ah alut’in thil joh ho chu anodoh panin ajah uva, ‘ka-in chu taona in hiding ahi, tin akisune; ahin nanghon gucha michom kokhuh-in nasem tauve’” 
(cf. Isaiah 56:7)

Bible a Pathen hou’in theng hi iti ana kimanchah em?
1. Pathen’in ami Israelte akimupi nale akihoupina mun ahi – Exo. 29:42
2. Hettohsohna houbuh a man anhi (tabernacle of the testimony) – Exo. 38:21
3. Pakai thingkong koina mun anahi (ark of testimony) – Exo. 25:16
4. Pakai Pathen insung tin akihen ahi (house of the Lord) – Deut. 23:18
5. Pakai houin tia jong het ahi (house of the Lord) – Josh. 6:24
6. Pathen chenna muntheng ahi (sanctuary of God) – Exo. 25:8

Mose le Aaron khang’a gamthip nuoija akhuoljin laijun hiche Pathen houin chu Lhambuh mai mai’a ana kisa ahin, David in thupi tah a sah nading’a akhol thilkeu manchan Solomon in Pathen houin chu thupi tah in ana san ahi.
Hiche houin chu kithoidam na mun, chonset phondohna mun, pumgo thilto todoh namun, kilhaina gantha kitha namun, mibuoh ho lut phal hilou namun, Pakai toh kiguijop namun in ana kimang in ahi.

Hinlah Pakai Jesu Jerusalem khopi a Sangan chung’a tou a alut a chun Pathen houin theng sung chu kailhang mun, thiljohna mun, gucha michom ho kichepna mun, kaidon namun, business mun in Israel ten ana mang uvin ahi. Hichu Pakai Jesun amu phat in houin sunga thiljoh ho, kailhanga mang jouse abon chauvin anodoh in houin chu asuthengin ahi – Mark 11:15-17; Matt. 21:12-17.

TILKHOUNA
Masang’a Pathen in houin theng sung’a ana chen a mihem te ana houpi a kon in ahung kichuon doh in Jesu Christa thisan jal’a soptheng’a um chengse sung’a Lhagao in acheng tan Huhhingna nei mihem te chu Pathen chenna ahung hitan ahi.

Tunin tahsan cha nang le kei ibon chauva Pathen chenna intheng ihi tauve.
“Pathen intheng nahiuva nasunguva Pathen Lhagao achen chu nahet louvu ham? Pathen intheng sumanga chu Pathenin ama chu asuhmang ding ahi. Ijeh inem itile Pathen in chu thengtah ahi, nangho jong chutichu nahiuve” (1 Cor. 3:16-17; cf. 2 Cor. 6:16-18)

Achutile tunia nangle kei Pathen chenna intheng hin iti hinkho iman jiu hinam? Jersualem houin banga chu poldeh duh a Pathen deilou lam a ijat vei iman u hitam?
Taona in dinga hiding Pathen in eiguon nau chu ijatvei kailhang mun ahiloule guchatna, mitoh kinahna, jousei milhepna a iman khah u hitam?

Pathen intheng ihijeh uva chu Pathen deibanga hinkho iman lou ule Pathen in eiho jong Jersualem khopi kisuh chim banga ihin khou ahin suhchim ding chu tijat umtah ahi.

Asim jouse Pathen in Ama houin theng ihinau ahina banga thengsel a iman theina diuvin phatthei eibuoh tauhen.

Kakipah e!

------------------------------
✍PK Gogou Kipgen
📲☎: 8124503398
------------------------------

NACHONSET SELJOU PON NATE

TUNI LHAGAO ANPHAA

(Friday, 27/5/2016)
-----------------------------

"Chule hiche nachonset nau hin nahin holdoh tei tei diu ahi"
           Num. 32:23

Israel nam lamkai Mose chun amiten Pathen guon banga hinkho aman diuvin atilkhou in; achuti loule hiche chonset abol u chun ahin holdoh uva gehtheina jatchuom chuom in ahin lokhum diu dan gihna apen ahi. Ahimong in Israel te chun Pakai douna le Pakai lampi a achelou teng ule Pathen in excuse beihel in abolgim jin ahi. Koiman achonset aseljou poi.

Bible a achonset selmang guo a lolhing joulou phabep gah veu hite.

1. Adam le Eve (Gen. 3:1-13) in Pakai thupeh apalkeh lhon a chun Pakaija kon in akisel go hon in akisel thei honpoi.

2. Achan (Joshua 6 & 7) in jong koima mulou kah in galmite thilkeu ana kisel guh in mihem koiman amupoi, ahin Pathen a kon in phondoh ahithou thou e.

3. David Lengpa (2 Samuel 11-12) jong chun Bethseba ajon pi chu koiman amupon hijeh chun aselmang gon, aselmang nading in chonset abolbe in ahivangin Pakai themgao pa Nathan in aphondoh peh thou thou in ahi.

4. Ananias le Saphira (Acts 5:1-13) jong chun hou lamkai Peter le adangte ajoulhep hon in, ahin Pathen vang alhemlha jou hon pon anikho ma man thina ato lo hon e.

TILKHOUNA

1. Thilse nabol teng koiman vang amu lou maithei ahi. Hijongle Prov. 15:3 na in asei bangin Pakaijin muntin hi amitte nin aven thilse le thilpha kibol ho amelchih jinge.

2. Navaichat jeh / nagenthei jeh chu paome pi hih in, Pathen in koima detkhen aneipoi. Chonset man chu thina / gotna ahi ti isuhmil loudiu ahi.

3. Pathen in tun gotna eipe poi tin kinopsah hih in chule geldau hihbeh in; nikhat teng Pakai laltouna mai a idin diu mihem in mi asang som le jaa  ijakai iphondoh na diu nikho hung lhung ding ahi - 2 Cor. 5:10.

4. Hijeh chun David bangin isetna hou Pakai angah kiphondoh u tin; Pakai miden na ichan masangin Pakai anga kilelut kit tau hite.

Asim jouse Pakai lungset them Pathen in phatthei eibuoh soh kei tauhe.

Kakipah e!

----------------------------
✍PK Gogou Kipgen
(Whatsapp: 8124503398)
-----------------------------

NALAMLHAH KIKHUOL CHIL IN

TUNI LHAGAO ANPHAA

(Thursday, 26/5/2016)
÷÷÷÷÷÷÷÷÷÷÷÷÷÷÷÷÷÷÷÷÷÷

"Samson chu Gaza khopia achen ahileh kholai numei noti khat amudoh in amanu henga chun alut tai"
                           (Judges 16:1)

Samson chu Pathen a dinga Nazir ahin Pakai Lhagaovin ahintil khou mi chu ahi (Jud. 13:5, 25). Hijongle achunga Bible chang a kon hin Samson chonchan jat thum mutheijin aume.

1. Samson chu Pathen Lhagao jal a hat ahin, hinlah Pakai Lhagao chutoh akivop dalhan tohding tham ding khoh um jong hilou in Gaza (Israel te galmite) khopi a chun achetai.
2. Achena lou ding mun a che ahijeh in amulou dinga lom - numei notinu chu aga mudoh tai.
3. Achelouna dimun a ache a avetlou ding avet tah jeh chun abol lou ding kisan jong ahin bol tai- notinu henga chun alut tai.

JILDOH THEI HO
1. Mihem khat chu asunga cheng Pathen toh akiguijopna Lhagao ahin lhakang teng alhagao lampi chu avah jou ji tapoun achena lampi amu loujeh chun achena dia mun lomlou ana lhung khajin ahi.
2. Achena lou ding mun alhun teng bolding akihet ji pon chuteng alunglut louna ding thil in alunglut jin ahi.
3. Chuguoh keu hilou in, manthah na lama lhalut kahitai ti jong akigel doh jipon, ama tahsa lam ngaichat asubulhit ji tai. Ajeh chu asunga cheng Lhagao anungsun tah jeh chun atilkhou ding le ahilchah ding dang aumji poi.

TILKHOUNA:-
1. Nasunga cheng Pathen Lhagao chu sunuoh hih in, ajeh chu Satan in agomkom ahol le jing ahi.
2. Pathen Lhagao nalhakang teng navet na lam jouse le nakiheina lam jouse a Satan in nakipalna ding thang nado peh jing ahi.
3. Tahsa lam hihen Lhagao lam hijongle "don't just simply go without a purpose" Ajeh chu Satan in nalhahsam na ahetlhih jing ahin, bulu (attack) louhel in nadalha ponte.
4. Samson chu Pakai Lhagao jal a mihat ahi. Hijongle Pakai ja Nazir ahina sumil in Ache'na lou ding muna achen; avetlou/adei lou khat chu adei chan; abol louding thil abol tan, ajonan jumle jaa thoh pumin agalmite khut ah athilo tan ahi.
5. Nangle kei jong ichuom ihipoi. Pathen in thahat/boltheina eipei tin kiletsah pi hih in, nalamlhah na chu injole ajona thina hikhante.

Hatchungnung Pathen in Nitin ilamlhah hou ikivet phat uva ama deibanga ium theina diuvin phatthei eibuoh tauhen.

Kakipah E!
~~~~~~~~~~~~~~~~~~~~~~
✍PK Gogou Kipgen
Whatsapp: 8124503398
~~~~~~~~~~~~~~~~~~~~~~