CCpur, Apr 21: Kuki society a ahoilou tah khat chu eimi numeihon eimi pasal muneo a meilhei le kollevai to kivop kipol standard natah a la itam khah Jeh uvin Manipur pamlam hihen Imphal sung hijongle mi kichepna tuni chanin ihijing taove. Eimi pasal khat dia eimi numei melhoitah khat chu abol a bol hah ahou a houhah jeng ahija meilhei le kolho Dia abol baidan aji umlou tihi nitin a iki lhonpiu jingkhat ahi e. Hiti ho Jeh in kol hon northeast numei Rs 500/ boutoh avet chep uvin Imphal a meilhei hon Haonupi atiule aphalam him him in avet chep hih beh uvin ahi. Thudih thutah khat aki seiteng ajanomlou boinasem itam jiuvin boina Ito teng ule koima avangse jipoi. Tuni channa outside a um meilhei numei seithang theija um aki hebeh poi ei thinglhang mi ngainan koi tribe tilou le sei louvin. Christian ihi vang uvin formality le occasion Christian itam taovin anumei apasal koima ichom seiphat tum ding Jong ium pouve.
Eimi numei thu ihaseile eimi pasal tampi seinathei a um adim adoh in ium uvin tulai western living style and fashion hin eimite eiha lokhah pen dan uvin aki langtai. Ipi hileh imalam jouse a hi Pathen ihet a Pathen a iki ngai le thilse tampi boina tampi ho akon kiki vengdoh thei ahi jinge. Boinato hi vangset Jeh a tuoh aumin atoh dia kilom aki hijeh a kituoh Jong aume atiuve. Insung ikal lhah a munchom a ium teng ikholai igamsung hinkho man a hinkho manlouding alert tah a um khin khen angaije. Koiman imasanga ipi akituo aki hepon koiin ipi abol adih in adihpoi tia judge kibol Jong ahipon amavang Pathen lunglam le nulepa deitah a ami changcheh in iumnao tinna hinkho mangding gelkhoh cheh a pha ahi e.
Tuchung isopi teniu vangset nahi ami takip in ipohnat naotoh kilhonin KSO Sadarhills in kilom tah in PR ahin bol nabannah Kangpokpi MLA Pi Nemcha Kipgen in initiative anlah na anoijah ahung kitah lange.
No comments:
Post a Comment