KA Tualsung thusua: YVA IN URINAL SHED THAK HONGKHIA

PC: YVA Compound Veng | File copy: HUIHKHI

CCpur, Apr 21: Young Vaiphei Association (YVA) Compound Veng Unit in vengsung a Urinal Shed thak abawl uh apaisah April 18, 2017 zingkal dak 7:00 in honkhiakna om hi.

.

Urinal Shed ahihleh Rev Joseph Lalnunmawia in honkhiakna nei a, hiai hun ah Luaithang, President, YVA Compound Veng Unit in vengsung a Urinal Shed thak aom theina dia kiphal tak a pan honla leh a poimoh ding teng thohtu Upa Kaikhokam ahihdan taklang a, amah leh a innkuante’ panlakna kipahpih leh etton tham ching sa ahih dan gen hi.

.

Aban a genna ah, Upa Kaikhokam, 1990 kum apan YVA Founder Member khat ahi chi a, gim-le-tawl khawk salou a YVA Compound Veng Unit ban ah khawtang leh saptuam khangtouhna dia pala gige khat ahih dan gen hi. Luaithang in agen zelna ah, Urinal Shed kichi mipi van ahihna ah etkoldan siam ding mipi mohpuakna liantak ahih dan gen a, vengsung khantouh zelna dia mipite pangkhawmna leh kituahna poimoh ahih dan gen in, tua sangmah a kithutuak sem a pangkhawm ding in chialna leng bawlngal hi.

.

Hiai hun ah, YVA Compound Veng Unit in Urinal Shed hongkhetu Rev Joseph Lalnunmawia leh Upa Kaikhokam-te Vaiphei Khiangkawi khattuak silhsakna nei uhi.

.

Input: HUIHKHI