CHATE MIN LEH VENG/KHO MIN KISAH THUDOLA NGAIDAN

by Lalboi T Khongsai
.
Tulai hi minu mipa atamjon acha ahung pen leh min ni asah teiyuvin ahi.
Example:
(Western name) (Kuki name) (Phungmin)
or
(Nick-name) (Real-name) (Surname-Title)
or
Ronan Thongminhao Khongsai
.
Hou inn a nao kipui ho jong hin a certificate uva western min hi jaosah ding adeiyuvin ahi. Chukeo hilouvin birth certificate akilah jongleh western min jaosah ding dei atamin ahi.
.
Keima deidol tah in vang chate min kisah ah hin western min or Bible a kimu min hi jaosah khel angaipoi. Khankho dola kihe kouna a kimang ho viz. Boipu, Boinu, Vahneo etc. ho hi aphasel tan ahi.
.
Ijemtia min hi thuchang thum neiding idei leh hitijoh hin kikisah leh dei aum jon ahi.
Example:
(Firstname) (Middle name) (Surname)
or
(Mintah) (Phungkhailhah) (Phungmin)
or
Thongminhao Khongthang Khongsai
.
Kuki chapa/chanu khat min chu Kuki min in kipan henlang Kuki minin kichai hen, nam dang min Bible a um min hijeng jongleh panda leh kadeijo e. Bible a kona mi min ho icha min sah vanga chompha chom jong ahidehpoi. Chuleh icha min western min jaosah vanga jong chingchom jong ahideh poi.
.
Abanin tulai Khomin le Veng min kisah ho hi eiho Kukite khomin/vengmin sangin Bible a kimu akideijo danin aumtai.
Example: Canan Veng, Hebron Veng, Salem Veng, etc.
.
Cheho sangin gollui laiya gam min le mi minthang min ho kisah joleh dei aumin ahi.
Example: Moltinchan Veng, Galngam Veng, Chengjapao Veng, etc etc.
.
Chule khomin, vengmin a Phung min kipansah ho jong hi bolouvin aphai, aumsa ho jong kheldoh in aphai.
.
TEMNA: Achunga kasei ho hi inampiu malam khankho gelkhoh najal leh kitoding deisah jala, keima ngaidan leh deidan kahinsei ahi, koima tum gotna le demna'a kasei ahipoi, deidan kibanglou aumkhah leh lunghan nan lahlou din kahin tem e.