Thingtang Lou (HIlls Pady Field)

Chinland Paddy Field  Views

Chinland Paddy Field Views

 

 

 

THINGTANG LOU (Hills Paddy field)

 
~ Ziktu: Tv. Ratu Lamthang Bhengraj
 
KA | May, 23, 2016:

Khopi thusua lam bep iboipi sek un, thingtang lam le vak khual leu hin doi aum hi. Ei CHIKIM chate hin pile pute hun apat ila bawl zing uh chun nek le chak ihawl nau, Louna hi tuni tiang in i chiapi zing nalai uh ahi. Khenkhat te hin phaigam lam ngen i manaw sek un, Kham (Job) imu ua, Mobile, TV, Gari neu haw bang iva kichawk sek un. Hinlah thingtang gam lam saw vak en leu hin lunghel aum khawpmai hi. 

CHIKIM chate hi migun chu ma² ihiu ua. Thingtang gam lam haw ivak et tak le lunghel aum dan hi kigen dawk theilo ahi. Maleh ka lunghel tilo adang igen dawk thei sek puau. Ngaitua un kumtung kei ah sep gim na ihang luak tak sek le anawp dan chu gentheilo ahi. Khopi sung ah nek le chak haksa tak ah cheng sangin thingtang lam ah lou bawl chu anawp ma² hi. Tulai CHIKIM chate cheng na gam chuam² ah I lou bawl dan uh vak en leu hin, akibang phial hi. Chin gam hihen, Zoram hihen, Chittagong, hihen lah Tripura gam chun Zalengam I um nau chiat ahin, I nasep dan uh akibang phial hi. 

Zoram ahin, khopi lian tak² ah um a, alou kan dan teu hi achang kit hi. Mani gari neu ahem? Car vel in akuansek uh ahi. Farm house deudan in le abawl nau atam hi. Village Council ah kipua himaleu alouna sep dan uh chu mundang tawh akibang thou hi. CHIKIM chate hin kumtung in lou na isem sek ua. Nek le atui cha² ine sek ua, maleh khopi lian deu a chengten vang tigual tuithiang huithiang chu mudin kagin cha poi.

India gam hihen Kolgam hi hen Chittagong gam hihen I khawsak dan uh akibang hi. Pau le gam chu neukhat iki khiak nau um maleh, hindan chawndan khat ngen ihiu.

Manipur gam ahin CHIKIM te cheng ui tile hin gen khial hi puan ah. Adiah ah Churachandpur hi, Manipur thingtang khopi lak ah khantou pen ahia. Gamdang ivak et kit ahi chun Aizawl hi ahi. Milopi tak² hung piangdaw na lekha them hung pawtdaw ahi. Kisuan pile aum hi gamdang khopi dang tawh te in. Churachandpur hi CHIKIM te tamla lak ah anina ahi. Khangtou machal pen ahinalai hi. 

Chin gam hihen Shan gam hitale chun Kachin gam hitale ichen nau ahin I chawndan teu inut siat lo uhi ahoipen hi. Tuni tiang ah gam hi mu zianglo leu hin le Churachandpur min hi khovel in ahet phak ahi tai.

Lou bawl dan hi tulai pau in kigen tale 4G style deu in bawl hitale chu aw, lou bawl ten le aphatchuam piu diu gingchak aum hi. Climate le lei umdan chun khohei dan et in lou bawl hisek le chu lou bawl apat hausa atam tak ding dan hi chu kigen seng puan ah. Maleh ei uhin malai ah pile pute ancient style in abawl nalai ua, doitawk ah thai piang ding in vang ginchak chu ahipoi. Maleh alang khat ah hal haw chu mat lo ham chu hoi le phading ahi. Nature dung zui ah bawl hihen la, Chun sumkol vei theina ding haw hi bawl hisek le chu gam khantouna khat chu hiding ahi. 

 

Thai lak ah bawl ding ah pha chu:

  1) Bal lei

  2) Mai (pumkin) lei

  3) Be (Bean/Strin bean) lei etc.

  4) Um (Bottle guard) lei

  5) Manta /samphok (Brinjal) lei

  6) Marcha (Chilli) lei 

Longterm ah bawl nuam te adin:

  1) Mawt (banana) lei

  2) Santara (orange) lei

Adang haw chu:

  1) Thing Lei

Zia haw hi mawk bawl thei ahi pua, agam khohei dan chun asem ding mi le apoimaw ma² hi. Khopi lian lam I manaw sang un, ahithei le zia haw hi bawl leu hin pha ma² ding ahi.

Aban zaw hiding……………………………….