KA May 23, 2016
Syria gam khawpi 2, Tartous leh Jableh-a thichil bomb bang zat tak ahem puakah mi 65 a thiu.
Mipi tamna Bus station leh damdawi in te chu migilo pawl te chun atup pen uh hiin UK-based Syrian Observatory for Human Rights chun a gen hi.
SYRIA RAM THIHCHILH BOMB PUAKAH MI 100 THI
Vawiinah Syria sorkar thunun Mediterranean tuipui kama khaw pahnih chu ISIS hoten thih chilh pawl leh car bombs hmangin an bei a; a lo berah mi 100 an thi niin, UK-based Syrian Observatory for Human Rights chuan an sawi.
Car bombs hian Jableh khua beiin, suicide bombers ten Tartous khua an bei a ni. Tartous ah hian Russian Naval Base a awm a; Jableh khuaa hospital bula mihring tamna beih a ni bawk. Suicide bomber 2-in petrol station hi an bitum a, Tartous ah mi 48 thi in, Jableh ah mi 53 an thi; sorkar lam chuan thi leh hliam zat hi 100 tlinglo niin a puang thung. Tartous-ah Russian Naval Base awmin, Latakia bul Hmeymim ah Russian Air Base awmin, indona ralthuam tha chi a chhawp nual a, chung zingah SAM-300/400 te pawh telin an sawi. Latakia hi Russia in a ram pawn lama Military Base a neih len ber a ni.
Tun hnaiah Syria leh Iraq ramah inbeihna-car bombs puak leh suicide bombers hmanga inthahna a tam chho hle. ISIS te pawhin a kaw tawpa tang ang maiin, thihchilh pawl nen an beichho deuh ta reng mai.
No comments:
Post a Comment