Nilaini, 18 May 2016:
Assam state Karimghanj leh Hailakandi
district ah nimchim ziak in, Inn kuan nga apat mi 10 in ahinnau achan tau. Sonachirra, Karimganj district ah Inn kuan
khat ah mi 5 chu lei in chip khum ahi.
Police thusuak dan achun nithum
kizawm a gua azuk ziak in thawlenni akhan tang pang ah Inn khat chu nimchim
chun avuk khum hi. Zia inn sung achun Anu le pa chun achanu le chapa 2 chu a
ipmut laitak uh ahia, avek un thina atuak ui.
Karimganj athite chu Nitai Das (38), Supriya Das (32), Nibas
Das (10), Mitali Das (13) and Kunal Das (6) Pradip Kumar Kar SP chun thusuak
mite te kiangin ahil hi.
Karimganj thilsuak masang ahin Bilaspur
achun mi 4 in thina ban un Ramchandi area ale naupang posal kum 6 vel chun
thina atuak uh ahi. Official thusuak chun akigen in thilsuak hi zan ipmut
laitak in nimchim chun aum nau Inn chu avuk dan in agen hi.
NDRF le Policete’n panpi ngaite
nasep chu chiapi zing ui.
---------------------------------------------------------
© Khochungte Awgin
No comments:
Post a Comment