Inamsunguva LIEUTENANT muthah khangthah ni ineibe kit tauve

::PACHANNA CHUNGA KIPA THUPHUON:

Inamsunguva LIEUTENANT muthah khangthah ni ineibe kit tauve.

Brief Details:

1. Lt. Neikholam @Neneu Kipgen

Age: 26 Yrs.

D/O Janglhun & Lhingvah Kipgen

Add: Leikot, Sadar Hills

2. Lt. Lamneineng @Rachel Gangte

Age: 24 Yrs.

D/O Mr&Mrs Lamkholal Gangte

Add: Old Lambulane

Inamsung uva Pathen lungsetna jalla lolhing le pachang ihung kibe jing utoh lhon in tunin jong Insung, Khosung, chule Namsunga dinga kipapi le kineppi thei umtah nungah ni in Army Nursing School a lolhinna ahin neihon toh lhon in tuni chun COMMAND HOSPITAL, Bangalore mun ah COMMISSIONING & OATH TAKING CEREMONY ana neipeh uvin ahi.

Chule *LIEUTENANT* batch behpeh anahi lhon toh kilhonin North East India gamsunga munkhat pen a service din Appoinment amu lhon in ahi. Kipapi aumna chungchon a gah kiletsah pi kit thei khat chu Neneo Kipgen in *Best Clinical PNS Command Hospital Airforce Award* jong asan ahi.

Tahsa mel a kum chapang cha hihon jongle Officer dinmun ahinmu hon hi khangthah te dinga kitilkhouna theitah ahi. Hiche amani Commissioning Ceremony a chun Rev. Lienmang Kipgen jaunan insungmi phabep in vetlom tah in akin chu ana jau peh uve.

- PK Gou