"PATHEN LAM BOU VET DING"
÷÷÷÷÷÷÷÷÷÷÷÷÷÷÷÷÷÷÷÷÷÷
÷÷÷÷÷÷÷÷÷÷÷÷÷÷÷÷÷÷÷÷÷÷
TUNI LHAGAO ANPHAA
(Sunday, 22/05/2016)
======================
(Sunday, 22/05/2016)
======================
Matthew 14:29-30
"Peter jong kong'a kon chun akumlhan, tuichunga lam jot pumin Jesu heng lam ajon tai. Hinlah, huijin twi anon amuphat chun agichan alhalhum pantai. Hichun apengjah in 'Pakai nei huhhingin' ati"
"Peter jong kong'a kon chun akumlhan, tuichunga lam jot pumin Jesu heng lam ajon tai. Hinlah, huijin twi anon amuphat chun agichan alhalhum pantai. Hichun apengjah in 'Pakai nei huhhingin' ati"
Pakaijin alhendoh Seijui 12 ho hi anunnom mong mong ahiuve.
Ajeh chu midang in amit tah a amulou le tahsa tah a atokhah lou, Pakai
thilbol kidangtah tampi muna chanvou chu achanguve. Hijeng jongle Pakai
atahsan nau le Pakaija akingai nau hi ana chah jouji pon ahi.
# Pakai Jesun twichunga lam ahin jot achun seijui chujat
lah a chun Peter seh seh in Pakai thilbolthei na kidang tahsan le suong
in Pakai lam jonin twi chunga chun lam ajot e.
# Ahin Peter jong chu Pakai atahsan na le Pakaija akison na
adangho sanga a advance jep vangin, twichung a lam ajot laijin ajotna
lam velou in twipi kinong amun, agichan lhalhum pai dingin aume.
# Pakai lam velou a akihei manga twikidil chu avet jeng
vangin alhahlhum phat in panpina ngaichat awnem chun 'Pakai neihuh in'
tin asam e.
EIHO HINKHO TOH TEKAH
* Peter le seijui dang te tobang chun tulai houbung mite
jong Pakaija kon a thilpha tampi imuva ihet vangu vin, Pakai tahsan na
neija lungdon tijat le hesoh lah a Pakai kom nai di mi ilhom jiuve.
* Eiho lhagao hinkho jong Peter tobang chu ihi nom jiuve.
Lhagao lampi ihinjot pat teng Pakai suong tah tah toh ikilou jiuvin,
hijongle lamkim a ijotnau lampi Pakai lam velouvin tahsa thil ho iha
thupi sah joh jiuvin, ingaichat nauho in ilhum mang ji tauve.
* Lhagao lam a ilhahsam teng Pakai lam le ngat kit a Peter
banga Pakai neihuh doh o ti ding isumil jiuvin iheng ikom isopinu/pa
ingoh ji nalai uve. Ngat nading Pakai lam ngalou in midang ingajiuvin
Pakai sangin midang joh isong jo jiuve.
* Peter vang chun apet pet in Pakai neihuh o ati ahin, amavang eihon Pakai itahsan nau ilhahdai sah joh jiuve.
TILKHOUNA:-
- Lhagao hinkho lampi a hin Pakaijin amalam bou kat a amajeng bou ve dingin eidei uve.
- Amalam velouva eima deilam ivet teng Peter banga boina a ilhahlhum khah jiu ahi, hichu Pathen in amalam ile vet kit nadiuva eikou nau ahiji e.
- Lhepna hin eiho eikai lhum jiu hilou in eiho joh alhalut ji ihijeh un, ilhahlhum louna diuva Pakai lam bou ivet u ngai ahi.
- Tahsa lam a vang lam najot teng nachena ding lampi phate a nakivet angaije. Ahin lhagao hinkho lampi a vang Pathen lam navet loule nalhuh chet jeng ding ahi.
- Leiset tahsa phatchomna lam thil ngaito pumin Lhagao hinkho phaten lamjot theipon nate. Hijeh chun Na Lhagao Lampi phate a najot nom le PATHEN LAMBOU VE JINGIN.
- Amalam velouva eima deilam ivet teng Peter banga boina a ilhahlhum khah jiu ahi, hichu Pathen in amalam ile vet kit nadiuva eikou nau ahiji e.
- Lhepna hin eiho eikai lhum jiu hilou in eiho joh alhalut ji ihijeh un, ilhahlhum louna diuva Pakai lam bou ivet u ngai ahi.
- Tahsa lam a vang lam najot teng nachena ding lampi phate a nakivet angaije. Ahin lhagao hinkho lampi a vang Pathen lam navet loule nalhuh chet jeng ding ahi.
- Leiset tahsa phatchomna lam thil ngaito pumin Lhagao hinkho phaten lamjot theipon nate. Hijeh chun Na Lhagao Lampi phate a najot nom le PATHEN LAMBOU VE JINGIN.
THUCHAINA:
Ngailut Pathen in Amalam bou ikat jing theina diuvin ibon un phatthei eibuoh tauhen.
Ngailut Pathen in Amalam bou ikat jing theina diuvin ibon un phatthei eibuoh tauhen.
Kakipah E!
++++++++++++++++++++++
++++++++++++++++++++++
✍PK Gogou Kipgen
Whatsapp: 8124503398
××××××××××××××××××××××
Whatsapp: 8124503398
××××××××××××××××××××××
No comments:
Post a Comment