"LHENKHEL DIA TIJAT UMPEN": PK Gogou

TUNI LHAGAO ANPHAA

(Friday, 20/5/2016)

"LHENKHEL DIA TIJAT UMPEN"

Thuchih Bu 14:12
"Mihem khat din Lampi khat chu lamdih bangin akimun, ahivangin hiche lampi chu atopna thina ahiji e"

🔷 Pakaija ka deitah sopinu/pa! Hiche hi nangaito khah em? Ven.....
        1. Na sangkhol choh nalhenkhel khah le lhathum beh nakisih ding ahi.
        2. Mobile nakichoh khel le Lhagup beh nakisih ding ahi.
        3. Naloubol nabol khel khah le kumkhat nikisih ding ahi.
        4. Gari (car/bike) naki choh khel khah le kumni/thum beh naki sih ding ahi.
        5. Na insah nasahkhel khah le kum 10 tobang nakisih ding ahi.
        6. Hinkho a nakichen pi ding ji nakilhen khel khah le nahinkho a nakisih ding ahi.
      7. Amavang, na TONSOT munding nakilhen khel khah le phat akum a simhoi hilou a khonkheh a nakisih dinga ahi.

🔷Neile gou, Jeep le Car, Nih chen ponsil, Mobile/Laptop nakichoh khel khah le kisih jongle chun chomkhat jouteng nadeibang athah kichohna ding chance nanei ding ahinai. Dongma naneija nadongma nu/pa chu nadei tah lou le athah toh naki dei kit thei ahinai.

🔶Amavang TONSOT a NACHEN NA ding mun tu a nakilhen khel le a tonsot a chance avel a nanung mu kit tahlou ding ahi.

🔶TONSOT a chenna ding mun koiman apel theilou MUN ni bou aume - hichu VANGAM leh DAMUN ahi. Alampi jong akibang pon chule achedan jong achuom cheh e.

🔶DAMUN nache nom le abaije. Natahsa in angaichat namun nache nom nom na a chen lang, nadon nom nom don in lang, nasei nom nom seijin lang, nabol nom nom bol in, nalungthim a nadei dan tah in chon in......achaina le Damun lhung tan nate.

🔷Hinlah, VANGAM vang chu alampi jong ajim in chule hiche LAMPI a che jong chu alhom e (Matt. 7:13-14). Ajeh chu alampi chu tahsa mitvet din lamnuom ahipoi. Chule hiche Lampi a chena dinga chun CALVARY CROSS a Christa toh chamna nakisem masat ding angaijin chuteng chingthei tah a Lhagao lampi chu nahin jaut ding, kahlah a nakihei mang pa louva ahile Vangam chu nalhun ding ahi.

🌊Mi tampin CROSS a khatvei iche le alampi chu idei deina a chethei dan in agel jiuvin amadei dantah in aum jiuvin ahile kahlah a agammang pa ji tauve.

♻Chomkah hinkho asot ding jong hilou a nanopsah na ding bon giltah a nagelji le Tonsot nanopsah ding / gentheina nathoh ding chu ipi dinga giltah a geltheilou nahim?

💧Kahinkho saopi kanei nalaije tin kiletsah pi ahiloule geldauna ima neihih in, ajeh chu jinga ipi nato ding koiman jong aseitheipon nagin jong nahepoi. Tu hi nanga dinga Na Tonsot mun ding nakilhen chetna dinga phat hoipen pen chu ahi. Alona beihel a kisihna nanei masangin tun tonsot a najotna ding mun kilhen tan. Hiche tonsot a naumna ding nakilhen khel ding chu NANG DIA TIJAT UMPEN ahitai.

💝 Pakaijin Tonsot a dia MUN ni eisempeh u lah a amato akumkho a ichen khom theina diu va asem VANGAM nomtah chu ikilhen theina diuleh, akilhensa hon jong vangam nopdan kipana thupha ilhangsap jing theina diuvin, phatthei eibuoh suohkei tauhen.

Kakipah e
------------------------------

✍PK Gogou (Leikot, S. Hills)
Whatsapp: 8124503398
📩 - gogoukipgen@ymail.com