"HINKHO SUNGA THIL MANLU - PHAAT"

TUNI LHAGAO ANPHAA

(Saturday, 21/05/2016)

"HINKHO SUNGA THIL MANLU - PHAAT"

Colossea 4:5 (cf. Ephesia 5:16)
"Polam miho koma chihna mangchan chon un; Phat chu kitup kei chan mang chauvin"

📌Mihem hinkho sunga hin Bible sei hihen seilou hijongle thil amantam tampi aume.
1. Psalm Labu a chun David in Nulepa te dingin chate hi goulu ahi ati - Psalm 127:3.
2. Mihem khat ding chun neile gou, sum le sel, sana dangka ho jong hi thil mantam tah ahi.
3. Khat khat in ibonuvin kidong leuhen atamjon tahsa damtheina hi thildang sangin amantam jo e ti jong ium diu katahsan e.
Henge, adihsoh kei nai....

📌Hinlah hoitah a ingaito le mihem a dingin hinkho sunga hin PHAAT (time) hi amantam pen khat ahi. Ipi jeh a phaat hi amantam e kati ham itile, phaat hi acheleh second khat jong khungai lou, nungchon lou a chal chal jing ahi. Sumle pai neileh gou toh lheh a nung kou theikit jong ahipoi.
# Idammo teng Hopital a doctor ho iki vetsah le kidam kit thei ahi.
# Sana, Dangka, Neile Gou thupi tah tah jong imansah le avel a kilam doh kit thei ahinai.
📯Amavang, iti chih in chingin lang, iti bol in bolthei nama jong leh chun naphaat man chu naman khel le second khat jong nanung kou kit thei ahipoi. Hijeh chun Mikangten TIME IS MONEY atiuvin ahi. Ajeh chu sum hin chohlel aneipon amavang PHAAT hi sum in jong alona je ahepon ahi. "Phaat hi sum a dinga a Lengpa ahi"

📌Ahileh, iti dan a / ipi dinga Phaat hi hiti mantam hitan tem?
$ Ajeh chu Vannoi pumpi le thildang jouse kisem masanga Pathen in jong ana manchah chu phaat hi ahi.
$ Chuleh a phaat toh kitoh chet chet a Pathen jong chatloh ahi.
$ Eternity past apat Eternity future geija Pathen in phaat hi kitup chet a aguontup sa ahitai.

📌Chuti ahile Mihem a dinga Pathen thilpeh ho lah CHRISTA & HUHHINGNA ti louvin PHAAT hi amantam pen ho lah a khat ahi.

TILKHOUNA:
1. Ka Pakai kangailui natile niseh a na phaat ijat sung ama toh nakivop/nakilhon khom lhon em?
2. Hibanga mantam, sumle pai, neilegou tampi toh jong lhet thei hilou chu; nape pa Pakai loupi nadinga nikhat sunga nidan ijat naman chah jou em?
3. Mihem dam kumkho phaat sung hi ingaito le sauval bon nalai ahi. Ajeh chu PHAAT free a eipe pa, niseh a iphaat atamjo a ama deilou lam le ama dounan imang jiuve.
4. Phate a ingaito a ahile Pakai hi mihem kam a aphatna hi jakhat lah a khat jong seijou hoi hilou ahi. Ajeh chu, vetsah nan- Nachapa/nanaupa chu gophel vacha kapna dinga nasempeh chun nang nahin doi hen lang nahin kap tale e nalo dem? (Tamseibe umlou a gophel chu nalah peh a chujongle najep nahlai ding ahi).
5. Ahin, Pathen in vang aphat nale khotona jal in PHAAT mantam tah eipeh u phate a imanpeh lou vang uvin, phatseh in gotna eipe pouve. Ajeh chu ei ngailu behseh un chule nikhatle ihet them diu chu adei jal ahi.
6. Hijeh chun tukal teng PHAAT hi Pakaijin free a eipeh ahin, sumle paija choh thei ahipoi ti sumil louvin kitupchet in mangcha go tan. Phaat naman them chan a nang dia jong thilpha/khantouna di joh ahi.
7. Chuleh phaat phate a chingthei tah a man a, apepa Pakai loupina dinga ijochan a !man chu Pakai ijabolna lei gin na vetsahna jong ahi.

THUCHAINA:
Milungset them Pathen in iphaat mantam tah hou Ama loupina le chingthei tah / kitup tah a iman jing theina diuvin, ibon un phatthei eibuoh suohkei tau hen.

Kakipah E!
------------------------------

✍PK Gogou (Leikot, S.Hills)
Whatsapp: 8124503398
÷÷÷÷÷÷÷÷÷÷÷÷÷÷÷÷÷÷÷÷÷÷