TTC in Delhi topi a Conclave guon

Thadou chate makhoding ngaotuo khomna a Conclave khat Delhi tuolpi a TTC hon nahin guon uhi kipa aumme. Thadou, Paite, Hmar, Vaiiphei, etc hon Kuki/Zomi (CHIKIM) nuoiya tribe khat cheh hinae a etribe cheh u kikhosah ding hi khosung (village) khat a intamtah kigomkhom a khokhat kisemdoh tobang ahi; family khat cheh chun a inchen lamlhah akisemtoh cheh theileh khopi/ khosung khantouna ahi tobang ahi.

Thadou tribe dopsang nading boipi TTC le akai jatam hohin Thadou a um hin Kuki asuhlhuh louding amavang aphungvuh a ahinhoisah joh ding ahi tihi amaho ideology masapen ahiding katahsan in ahi. Amaho din na bulpi chu Thadou hi tribe khat ahin Kuki hi akikhong ihiuve. Tribe dang ho Kuki ahunglelut nading un eipao thohon etribe u bel utin Kuki dominate boldaute tihi ahi.

Dr. George T. Haokip

Tunia Naga tilou Manipur a tribal hohi Kuki tribes kiti theilou tobanga um ahitan hiche ethnic division hi dominant Thadou tribe hojeh ahi tihi tulai idinkhom theilounao causes, factors and extend ho a kon hetdoh thei ahin hiche bolkhelnapa hi TSA le TTC ho pohnat chuleh thoidam dinga agellu chu hiding injong katahsan in ahi.

Tuchung ILPS thu a governor lekha kipieh na a signatories hochu KUKI INPI, ZOMI, HMAR INPI ahiuvin ahi. Kuki hi non Naga tribes represent bolthei ahitapon; tamtah ho lah a khat hidan a um hilou vin ahimong mong accepted and recognise ahitai.

Hiche ho kahonseihi kasei nachunga hi neutrality kachiepi in kadoi chu tulai dinmun toh kitoh a phajong leh relevent talou phamo jong leh chiepilouva khoh um ho identify joh bolla kichu naleh kibouna a neilouva lunglheisella lampi holkhom ding chu ahi.

Dohna phabep right answer holdoh loilouva khoh ho chu:

1) Non Naga tribes hokah a ethnic division hi TTC le TSA in asuhtoh jou nading ipi akilhonjel lampi um em?

2) Kuki dalha a nampi thah kisiemtup tasa Zomi etc hohin abenao ahin dalhah uva Kuki a ahungnung lut nadiu lampi kilhongjel ipi um theijem,?

3) Achunga teni hi lolhing louding ahileh Thadou dopsang nadinga eiho le eiho ikinahlo uva ikilhep lhep uchu phatsuhmang naleh lhahsapna bep hilou ding ham?

4) Aphatoh kitoh a KUKI ZOMI ani a aumhi accept bolla hiche chungvum joh chu dinkhom theina lampi thah kiholkhom leh thisan khat hikhom Kuki-zomi chate dinga ipi lolhinlel na uma chuleh ipi pohnat piding um em?

Dr. George T. Haokip