Khochungte Awgin Gospel Column
Chennai, 14/05/2016, Saturday📝 PK Gou Kipgen
--------------------
PENGTHAHLOU LHAGAOMI
**********************Jesu Solchah John in Kipana Thuphaa vannoi mite dinga ajih (John sut Kipana Thuphaa ti a ihet u) bung 3 sung chu isim tenga ahile Nicodemus kitipa in Jesu aga kimupi thudol chu imu dingu ahin, chule hilai Bible chang mun hi mitampin ihetchil suoh tah diu jong katah san e.
Hijeh chun Nicodemus akiti tengle nalunga ipi nageldoh ji dem?
Nicodemus hi itobang mi ham?
1. Pharisee - Danthu them chule houhil ahi.
2. Sanhedrin kivaihomna council a member luboh khat jong ahi.
3. Mi mitvet a ja umtah houlamkai chule Lhagao mitah khat ahi. Ajeh chu Sanhedrin Council member khat hina dinga chu Morally, Spiritually, Mentally, in age, in respect, etc a fit mi hingai ahi.
Hichu ahi a ahile Nicodemus kitipa hi moh thu hilou mijousen ajabol le ahepi khat chu ahi tina ahi.
Amavang Pathen/Jesu mitvet dingin Nicodemus chu Pengthah lou Kilhagao mitsah chu anahi. Pathen toh kiguijoplou Pathen natong anahi.
Pathen thugil leh Pathen toh kiguijop lou ahi chu amale aman jong ana kihet doh lou ahi.
Spiritual Moral Lesson:
* Nicodemus tobang chun tulaijin jong mi tampi ahiloule Christain tampi Pathen toh kiguijopna neilou ahia kilhagaomit sahtah a Pathen niseh le houin kai fail lou, somakhat le maicham peh thase lou, chaga genthei vilna a lhasam khalou mi tampi ium diu katahsan in ahi.
* Nicodemus banga mi tampin ajabol le agin houlamkai hi a dignity sangtah nei ahia asunga Jesun koi ahi ahetphah lou tampi houlamkai, namlamkai, society lamakai tampi iumdiu katahsan e.
TILKHOUNA:
* Ijemtia nangjong Pathen toh kiguijopna neilou a kilhagao mitsah tah a lhagao hinkho naman khah tah a ahijongle phat nanei nalaije chenlang Jesu chu gakimupi tan Aman nanga jing ahi.
* Everywhere is Calvary Hospital where you can cure your spiritual diseases/problems.
* Phat atam nalaije tin kinopsah hih in tu maman Pathen/Jesu toh nakah lhon kisuh chamin. Achutiloule khonung teng nakisih na atepi beihel a sang kha ding ahi.
* Nicodemus banga chun lungthel sel in kiletsah lou in chen lang Pakai chu ga kimutopi tan.
Pathenin asimjouse Ama loupi nadin phatthei eibuoh suohkei tauhen.
-----------------------------------------------------------
Any enquiry about the article you may reach the author at kaigoulenkipgen@gmail.com or gogoukipgen@ymail.com
------------------------------------------------------------
© Khochungte Awgin
No comments:
Post a Comment